محادثة مسنجر

محادثة مسنجر

يوم السبت تلقى أحمد هذه الرساله

(ترغب عبير في الإنضمام إليك هل تود إستضافتها ؟ )

أحمد: حسبي الله عليك من كمبيوتر ماقلت لك أي بنت أقبلها وأنت مغمض
يالله انك تحييها ياهلا ومرحبا أعوذ بالله قحط في هالمسنجر
ولا بنت يالله عشان نشوف منهي (مسوي نفسه ثقل )
يوم الأحد طول اليوم شابك على المسنجرأبشوف منهي ( أنعمت عيوني من الشاشه)
وبعد خمس ساعات قامت عبير بتسجيل الدخول
أحمد مسوي نفسه ثقيل وهو يحترق يبغي يشوف منهي وكم عمرها ومن وين وووو؟!!
عبير : سلالالالالالام
أحمد : هلالالالالالا
عبير : شلونكـــــ؟!!
أحمد : الحمد لله
عبير : حركات على بالك لبناني
أحمد : أنا أحلى من اللبنانيين لا تحقريني
عبير : لا يا شيخ من تشبه
أحمد : أشبه الشمس في عز الظهر وأشبه القمر ليلة 14
عبير : أقول ياأحمد
أحمد : ياعيون أحمد
عبير : ليش أنت بطيء وماترد بسرعه ... معك أحد غيري
أحمد : لالالا والله مامعي أحد
عبير : ترى بسكر المسنجر
أحمد : لا تكفين شوي بس شوي خلينا نسولف
عبير : طيب قول لي نكته
أحمد : طيب فيه واحد دايم يجي لبيتهم متأخر وطرده أبوه من البيت
راح وكتب على البيت لوحه : سكن أمريكان عشان يفجرونه ( أحس النكته بايخه )
عبير : ههههههههههههههههههههههههههههههههههههههههههههههه
ياحبي لك ياأحمد أنا أموت فيك..
أحمد : وش تقولين ؟
عبير : قصدي ياخف دمك
أحمد : أحسبك تقولين شي ثاني
أحمد : آهـ آهـ آهـ
عبير : وش فيك سلامات
أحمد : قلبي قلبي ياعبير بدى يحب
عبير: بس توه بدا يحب
أحمد : توه دل دربه بس
عبير : أنت وش فيك تتأخر في الرد
أحمد : توني متعلم الكتابه وأكتب بأصبع واحد
اللي كان بريال وألحين غلا صار بواحد وأربعين ريال
عبير : بعد ماشاء الله تناقش بالأسعار ! !
أحمد : لا مالنا ومال السياسه من قال أسعار الله يهديج بس !!
عبير : ماعلينا بس أحسبك مشبك مع وحده ثانيه وقاعد تكلمها ( من اول يوم تغار )
أحمد : تطمني كان عندي ثنتين من شهر أكلمهن وحده ملت مني تقول بطيءوالثانيه قالت لي : ياثقل دمك ماعندك ذوق لأني قلت لها يادبه وقالت تراني أبحذف أسمك من المسنجر لأنك ماعندك ولا كلمه حلوه تخليني أنجذب لك وراز أسمك قدام أ خواتي في المسنجر مثل المنظر !
عبير : خلاص أنا زعلانه منك ليش كلمت غيري
أحمد : يعني أنتي اللي ماكلمتي
عبير : أنا كنت أكلم عشره مو واحد
أحمد : عشره وأنا معهم والا تسعه وأنا العاشر
عبير : ياخي ياغبي كل الأعداد اللي تقولهم مجموعهم عشره
أحمد : قصدي 10 والا 11 يعني
عبير : ممكن تغير الموضوع ياخي
أحمد : وألحين كم تكلمين ؟!!
عبير : واحد يحبني ويموت فيني
والثاني غبي بس خفيف دم
أحمد : أنا الأول والا الثاني أنا مشبه على الأول بس حاس أني الثاني ومتأكد أني الأول اللي تحبينه وودي أقول أنا الثاني عشان تقولين صح
عبير : أحمدوووووو تراك ضيعتني
وش فيك أنت معرفت تجمع ولا وش فيك !!
أحمد : آه بس آه
عبير : سلامتك من الآه
أحمد : عذاب الحب
عبير : ليه عذاب ؟
أحمد : يقطع الحب وساعته
عبير : حبيبي أنا أستأذن
أحمد : أفا ااا بدري ماأتفقنا على شي
عبير : ياعمري أمي فوق راسي تبغاني أسكر
عبير : باااي باااي جاء أخوي الكبير
أحمد : والله حسافه !!
عبير : بكره نفس الوقت هذا .. باااي عمري

ومن بكره اللي يوافق يوم السبت

عبير : مرحبا
أحمد : مراحب ياهلالالالالالالالا
عبير : عمري وشلونك
أحمد : هلا والله ومسهلا
عبير : أنا زعلانه عليك
أحمد : ليش بس ويش سويت أنا
عبير : غن لي أغنيه عشان أرضى عليك ممكن بس لحظه أبحط التحدث وتغني لي ..
أحمد : لالا صعبه والله صوتي مو حلو
عبير : لا والله صوتك حلو بس بس يالله غني لي وترى ماراح أسمعك صوتي الين تغني !!
أحمد : آه بس أمرنا لله وحطينا التحدث وقلت لها ممكن بس أسمعك تقولين حبيبي ، .
وكتبت لي لالا مو ممكن !!
وكتبت لي يالله غني أي اغنيه ..
أحمد : يبدأ يصدح بالصوت العذب ..
هيه يارمانه .. هيه يارمانه
والحلوه زعلانه والحلوه زعلانه
مين يراضيها مين يراضيها
أنا أراضيها وبروحي أفديها
بس مالاقيها في يوم زعلانه
ياروحي ياعمري ياحبي العذري
مليت من صبري والروح ولهانه
والروح والهاااااااااااااااااااااااانه
عبير : تسلم يابعد كل الدنيا
أحمد : الله يسلمك بس تكفين ودي أسمع صوتك .. ممكن !!
عبير : مره ثانيه أنا عندي أخوي الصغير وماأقدر أتكلم بس أكتب لك
أحمد : يعني أخوك الصغير سمع صوتي
عبير : ايه سامع صوتك وأنت تغني يقول صوته حلو يحسبه مسجل يقول عيدي الشريط !!
أحمد : الله يعافيه اللي مدح صوتي ... ( ماصدق هههههههههه )
عبير : ممكن تغني لي مالي في هالدنيا سواك حقت راشد الماجد
أحمد : ماتلاحظين ياعمري اني عطيتك وجه !!
عبير : نعم نعم عن الغلط بس
أحمد : أمزح أمزح لاتزعلين والله أمزح
عبير : أنا فرحانه أنك تغني لي وأنت تهزئني صحيح أنك أحمدوو ماتصبر مثل ماقالت صديقتي اللي عطتني المسنجر حقك ؟
أحمد : آسف والله آسف يالله أغنيها لك عشان ماتزعلين
ويللي ياويلي ويلي ياويلي آه ياويلي آه ياويلي
مالي في هاالدنيا سواك مالي في هاالدنيا سواك
كفايه جروح ياروح الروح كفايه جروح
حبه ابي ياناس ابي قربه وبروحي أشتريه
آسف والله ترى ماحفظتها مررره
أحمد : أقول صلاة الفجر ألحين وش رايك بكره قبل موعد اليوم بشوي
عبير : لالا نتواعد أنا وياك نتغذى سوى بكره
أحمد : لالالا مايصير مو معقول الكلام هذا ......... أحلفي أنك صادقه !!
عبير : والله أتغذى أنا وياك والوالده سوى
أصلا كل يوم أتغذى أنا وياك سوى
أحمد : ياويح قلبي ... من معي
عبير : أنا أخوك الصغير ياغبي والله لأعلم أمي عليك
وتحول الحلم إلى سراب
وتحول الفرح إلى قهر
وتهديد من صغير ..
وتحول وجه أحمد إلى ( خبزه محترقه )
آخرتها طلع أخوه الصغير اللي يصغره بسنتين الله ماأحلى المقلب
مايستفاد من الموضوع ؟؟
1-لاتضيف أي ايميل ماتعرفه
2-لا تاخذ وتعطي مع أي أحد من أول يوم
3-قول لصاحب الايميل اللي ضايفنك إذا ماقلت لي من أنت بسوب لك بلوك وديليت
( إذا يعرفكـ ويبغى يكلمك ضروري مابيلعب عليك )
4-شيك على الأجهزه الموجوده عندك في البيت ( وخل في بالك الله فوق يشوفك )

ربي يسعدكم إن شاء الله

هههههههههههههههههههههههههههه



افكر إني اسويها في اخوي


مشكورة ياعسل على الموضوع النايس

هههههههههههههههههه

والله ضحكت من قلب مع إني مالي خلق

مشكورة غناتي

سي يو

مشكورين على الرد

وباسويها في اخوي لما يرجع من المدينه >> لحد يعلمه

ههههههههههههههههههه لا تعليق

هههههههههههه
عجبتني يبي ليي اسويها في واحد

مشكوووووورين على الرد