برمودا تحت العباءة و السيقان طالعه

برمودا تحت العباءة و السيقان طالعه

بسم الله الرحمن الرحيم
في السابق كنا نشوف ظواهر تنتشر في المجتمع ونستنكرها او ماتدخل عقولنا
لتعارضها سواء للدين الأسلامي او لعادات اجدادنا وتقاليدهم ..

كانت البنت لين البست عباه مطرزه مزحرفه ملونه قلنا عنها صايعه ومش متربيه .. او ماوراها اهل ورجاجيل ..
لان المألوف كان اللون الأسود والساتر للفتاه والي ابعد مايكون عن الفتنه وجذب الانتباه ..

اليوم .. صار الشي عادي .. او نقدر نقول تعودنا نشوفه يمكن لانتشاره بين اغلب الفتيات
او يمكن لظهور ظواهر اخرى مثل .. العبايات المخصره والي من ظهورها وحتى الان والحديت عنها لاينتهي ..

عموما .. انا ماودي اتطرق واتكلم في امور قديمه ياما تكلمنا عنها ..

لكن الظاهره الي انتشرت في الفتره الاخيره تتطلب منا التكلم عنها ومناقشتها ..

وهي ظاهره البرمودا القصير تحت العباه .. وياريت تكون العباه مسكره ..

الا مفتوحه وتظهر السيقان وفرجه للكل ..

يعني ودي اعرف شهدف الفتاه لما تلبس برمودا والسيقان طالعه ووتشمى في المجمع وبكل ثقه ؟؟

والي يبط الجبد لو طالعتها بنظره استغراب قامت تطالعك بنظره احتقار وكأنك غلطت عليها بالنظره

ونست ان اهي صاحبت هالتصرف واهي الي حطت روحها في هالموقف ..

والمشكله بعد لين تعرض لها احد الشباب قامت تسبه انت قلله ادب ومش متربي وووو .... الخ ..

طيب اذا اهو قليل ادب انتي شتطلعين ؟؟ انتي ماحترمتي نفسج ولا حشمتي الموجودين بالمكان

ليش تتوقعين من الشباب يحترمونج او يعملولج حساب ؟؟ ودايما نقول : من سوا روحه سبوس العبت به الدياي .

والشي الثاني الي استغرب منه .. ان شلون هالبنات يطلعون من بيوتهم بهالشكل ؟؟

الاهل وينهم ؟؟ مايشوفون بناتهم ؟ مايشوفون شلابسين ؟؟

اوكي خل الاهل على صوب ؟؟ البنات شلون يرضون على نفسهم ؟؟ نسوا العادات والتقاليد ؟
نسوا انه عيب ؟؟ وين الوازع الديني ؟ وين الخوف من الله ؟

كل هالاشيا صارت عاديه بالنسبه لهم ؟؟؟

عموما ماراح اطول عليكم .. بس بغيت نتناقش في هالمووضع واعرف رايكم فيه ..

وياريت اتجاوبوني على هالاسئله .. وكله في النهايه لتعم الفائده على الجميع ..

1_ هل صادف وان شفت هالظاهره امامك ؟ و أين ؟؟
2_ شرايكم بهالنوع من الفتيات ؟
3_ برأيكم شالهدف الذي يجعل الفتيات يطلعون بهالشكل ؟؟
واخيرا .. هل في كلمه تحب توجها لهالفتيات ؟ نصيحه او حتى نقد ؟؟

واسمحولي اذا طولت عليكم ..

بانتظار مشاركاتكم وارائكم بالموضوع

تحيــــــاتي

السلام عليكم ورحمة الله وبركاته

1_ هل صادف وان شفت هالظاهره امامك ؟ و أين ؟؟
اي شفتها في الأسواق المتنقلة والمجمعات2
_ شرايكم بهالنوع من الفتيات ؟
قلة الذوق والأدب3_ برأيكم شالهدف الذي يجعل الفتيات يطلعون بهالشكل ؟؟
لفت الانتباه
واخيرا .. هل في كلمه تحب توجها لهالفتيات ؟ نصيحه او حتى نقد ؟؟

حلاة البنت في عفتها واحتشامها

وأخيراً
مشكورة خيتو على الموضوع

العفو
تحياااتي

1_ هل صادف وان شفت هالظاهره امامك ؟ و أين ؟؟
لا ماشفت لاني مااطالع في الناس واكون متغطية واذا طلعت
انا مااطلع عشان اطالع في الناس بكون مشغولة باللي انا طالعة عشانه

2_ شرايكم بهالنوع من الفتيات ؟
بنات مايعرفون دينهم

3- برأيكم شالهدف الذي يجعل الفتيات يطلعون بهالشكل ؟؟
لفت الانتباه

واخيرا .. هل في كلمه تحب توجها لهالفتيات ؟ نصيحه او حتى نقد ؟؟
الزهرا مافي اي رجال شافها
والزهرا هي قدوتنا
اليحب الزهرا يقتدي بها

مشكورة حبيبتي على الموضوع المهم

وأني أقول إن الأساس هو التربية وقلة الوازع الديني لكن احنا كل اللي نقدر نسويه إن احنا ندعي ليهم بالهداية

مشكورة مرة ثانية

سلاااااااام

إدارية عدد الرسائل : 239 تاريخ التسجيل : 22/03/2008

اللهم صلـــِ على محمد وآلـــِ محمد .. وع ــج ــلـ فرجــ مولـآنا صاح ــبـ الع ــصرـ والزمانــ واهلگ اع ــدائهم ..

|| ظهر الفساد في البر والبحر بما گسبت ايدبے الناس ||

استغفر الله استغفر الله

مررره منتشر هالززمنن فييه الفساااد

لو اتكام ماخلصص استغفرر الله صاار قليل الزيييين من النااس ونااذر فييه الزييين

وكثرانينن اولاد الحراام .. والا مو متربيين التربييه الا على اهل البييت ......الخ

1_ هل صادف وان شفت هالظاهره امامك ؟ و أين ؟؟

واااج ـــــد مع انيي ماددقق بس ساعات مرره يكونوا قدااممميييــ استغفرر الله نااسس

2_ شرايكم بهالنوع من الفتيات ؟

اني بالنسبه لييي .. انه اهلهم ماعرفوا كييف يحافظوا على اولادهم وكيف يربوهم التربيه الزينه

ووحده مو مقتديييه بأهل البييت عليهم السلام

3_ برأيكم شالهدف الذي يجعل الفتيات يطلعون بهالشكل ؟

احسس انهم يبوا يلفتوا النظر الييها
وانه هذيي من الموضه لكن بالنسبه لييي جرفله

تبي تستترر حالها بالعبااه لكنن مو بالشكل الكامل

واخيرا .. هل في كلمه تحب توجها لهالفتيات ؟ نصيحه او حتى نقد ؟؟

انه تحافظ على نفسسها من الضيياع ..

وتقتدييي بأهل البيت علييهم السلام فيي اللباس والتصرفات وكل شيي

وماتقتديي بالغررب

لأنه هاللباس هذا راح يضييعها وتكسببب الذنووبب ورااح اهلها يأثمووا على انهم خلووها على راحتها

ووش اخلي لخلييييي ..

لو على كييفييي ولاا خمسس صفحاات ماتكفيني

مشكورة اختي على الموضوع

والى الامام دوما

تحياتي : البنوتة

اقتباس :: 1_ هل صادف وان شفت هالظاهره امامك ؟ و أين ؟؟
2_ شرايكم بهالنوع من الفتيات ؟
3_ برأيكم شالهدف الذي يجعل الفتيات يطلعون بهالشكل ؟؟
واخيرا .. هل في كلمه تحب توجها لهالفتيات ؟ نصيحه او حتى نقد ؟؟

المشكلة عندنا مش في البنت لكنها بسبب الأهل وأسلوبهم في التربية الله يهديهم

أحيانا نشوف بعض الأهالي يشددون على بناتهم كل شيء عندهم عيب على البنت تسويه

لحد ماتنفجر البنت وتسوي اللي بكيفها واللي براسها وبس وتسفط كلام أهلها ولاكأنها تسمعه

والبعض الآخر تاركين بناتهم فري وبحريتهم الكاملة وفي بعض الأحيان هم اللي يخلو البنت تلبس

هاللبس وتطلع به برة ويعودوها عليه لحد ماتكبر وحتى الحياء اللي المفروض تتحلى به البنت

ماتعرفه للأسف بسبب تعودها على الحرية ... وهم يتحلون عليها ولاكأن الشيء غلط

لأنهم في الأساس ماكان عندهم أحد يعلمهم كيف يربوا البنت ويحافظوا عليها

ويستروها .... وبعدين تجيهم العواقب وخيمة ...

هذي مشكلة التربية إما تشدد أو تحرر الله يهديهم ان شاءالله ...

لأن المفروض على الأهل انهم يربوا البنت بس مايتعصبوا بأسلوبهم

المتطرف حتى لاتتعقد و تصير بعدين سلبية في حياتها ولا يتركوها بكيفها

من صغرها لازم يعلموها كيف تستر نفسها وتحافظ عليها

ونصيحة مني لكل فتاة ..... الله أنعم عليكِ بنعمة كبيرة فحافظي عليها

وهي نعمة الأنوثة والجمال لأن النعمة زوالة ومش دايمة

فكل ماسترتي نفسك وحافظتي عليها فإن الله سبحانه وتعالى

سيحفظكِ من كل شرر وسيهديكِ لما هوخير لك بهذه الدنيا ....

أخيرا أتأسف على الإطالة وأشكرك على طرح الموضوع القيم